A reivindicaçom do direito ao aborto continua em pauta para as feministas galegas, tal como hoje se comprovou nas cançons, faixas e palavras de ordem misturadas com performances contra os governos que continuam a atacar os direitos das mulheres.

A queda do ministro Gallardón e a anulaçom do seu plano de contrarreforma laboral da Lei do Aborto, sendo umha boa notícia, nom é tomado polo movimento feminista galego como vitória final. "Nom todo está ganho", advertírom, pois o patriarcado continua a ser um dos eixos dos programas de governo a serem aplicados por uns e outros governos no Estado espanhol e Galiza, sempre em conluio com a hierarquia eclesiástica católica.

Assim foi reclamado na Corunha, Vigo, Compostela, Ferrol, Ourense e Lugo, em concentraçons reivindicativas em torno do direito da mulher a decidir sobre o próprio corpo, deixando o aborto fora do Código Penal e garantindo a segurança e gratuidade para o exercício desse direito.

O lúdico e o reivindicativo voltárom a caminhar de maos dadas nesta jornada de luita feminista galega.

Foto: Hoje em Vigo @gzcontrainfo