Foto de Edu Portela, com dous dos petroglifos da Laxe das Rodas do Outeiro de Eiroa.
A princípios deste curso o Clube da Língua do IES Marco do Cambalhom de Vila de Cruzes convocou um concurso de fotografias de tatuagens em galego ou de tema galego. Superando todas as previsons, chegarom ao IES Marco do Cambalhom mais de 160 fotos de tatuagens, conformando a primeira coleçom deste tipo na história da Galiza, umha obra de arte coletiva fruto da participaçom social.
Agora, o Clube da Língua e a plataforma de micromecenado ITH Crowdfunding lanzam um projeto de participaçom com um objetivo: a publicaçom do livro "Tattoos da Galiza", que recolhe todas as fotos participantes e vários textos de persoas expertas em língua, sociologia e desenho. Este será o primeiro livro sobre tatuagens na Galiza, un livro que vincula a nossa cultura com a vangarda, a gente nova e a modernidade.
Desde o Clube da Língua explicam que "esta é umha atividade que procura a tua ajuda para completar um projeto de participaçom social e normalizaçom lingüística. Somos o Clube da Língua, queremos editar um livro fermoso e justo, formamos parte do movimento social galego, nom temos ánimo de lucro, e fazemos isto porque pensamos que o projeto pode aportar energia positiva ao proceso de normalizaçom do nosso idioma."
Desde o Clube da Lingua animan a toda a gente "a fazer realidade este sonho e contribuír na financiaçom do livro". Na web http://www.ithcrowdfunding.org/ pode-se participar no mecenado para alcançar os 2100 euros que custa editar o livro.