Actualmente, o título de Grao dura 4 anos, a excepción de Arquitectura, Farmacia, Odontoloxía, Veterinaria e Medicina, que duran 5 ou 6 anos. Para completar o proceso de aprendizaxe e especializarse é necesario facer un Mestrado, que dura entre 1 e 2 anos. Comunmente, falamos dos sistema 4+1, catro anos de Grao e un ano de Mestrado. Mais a nova proposta que quere implantar o Partido Popular, xa nos fala do sistema 3+2, sacando un ano do Grao e aumentándoo no Mestrado. Pode parecer un simple cambio estrutural, mais trátase dunha estratexia de privatización por parte do poder para saquear o ensino público, alén de empeorar a formación das estudantes ao recortar un ano das titulacións.

A última estatística de prezos públicos universitarios, publicada na web do ministerio de educación, mostra que estudar un ano de Grao na Galiza custaríalle a unha estudante 713,40€ de media; estudar un ano de Mestrado custaríalle 1.501,80€ de media. É dicir, estaríamos pagando máis do duplo con este novo cambio no sistema universitario.

Por outra banda, ao permitir que unha titulación dure só tres anos, estase empeorando a calidade do ensino universitario. Un ano menos supón unha peor formación para universitarias. Isto vainos obrigar a ter que cursar un Mestrado, ao cal moitas non poderemos acceder xa que para obter unha bolsa é necesario ter unha media notábel.

Esta estratexia do Partido Popular é un dos tantos motivos polos animamos ao estudantado galego a baleirar as aulas no 26F, folga estudantil, para loitar por un ensino público e galego!