Foto do Diário Liberdade - Manifestaçom em defesa do galego no Dia das Letras 2013.
A histórica Agrupaçom Cultural O Facho da Corunha, quem nos anos do franquismo já enfrentara o fascismo em defesa da cultura da Galiza, acabou de emitir um duro comunicado contra a política linguicida do extremista Partido Popular.
Esse manifesto chega poucos dias antes da manifestaçom que a 8 de fevereiro percorrerá as ruas da capital galega para denunciar a dramática situaçom em que o idioma se encontra, com um retrocesso rápido e continuado no número de falantes catalizado graças ao galegófobo governo presidido por Nunes Feijó.
"Manifesto em Defesa da Língua Galega
A língua galega continua perseguida e proscrita polas política de etnocídio lingüístico do PP
A situaçom da língua galega está em grande perigo ao nom desfrutarmos os galegos de direitos lingüísticos plenos para desenvolver a nossa vida com normalidade a Língua Galega no nosso País.
O galego segue a estar perseguido e proscrito de diferentes âmbitos e usos. Impujo-se um decreto para evitar o ensino em galego. Esta política lingüícida tem responsáveis e cúmplices. Precisasse umha mudança total . Tem-se que lhes dar ferramentas ás geraçons novas. A televisom pública galega nom emite debuxos animados de moda em galego. As moças e moços nom podem escolher jogos, filmes e revistas juvenis na nossa língua, a muitos e muitas impedisse-lhes a escolarizaçom em galego
Como povo e cultura, temos direito a que nossa Língua própria, de origem, seja oficial a todos os efeitos no seu âmbito territorial. Os falantes galegos devemos desfrutar do mesmo "status" legal no nosso território do que o castelá no seu.
O maior descendo de falantes do galego coincide co lustro mais agressivo e lesivo para a normalizaçom da nossa língua e com umha situaçom na que o galego, nom só nom conta com umha oficialidade real, senom que é a própria Xunta quem ataca a oficialidade formal que acadou.
As políticas de etnocídio levadas a cabo contra o galego ditadas desde há séculos pola casta dos altos cortesaos de Madrid e também hoje reiteradas pola actual "Xunta de Galicia", ponhem em perigo a Língua Nacional, ao ser violentados decote os galegos falantes.
Esta posiçom de etnocídio é a negaçom da convivência e da igualdade das distintas naçons que conformam o Estado Espanhol.
Reclamamos:
A aboliçom do sistema legal que subordina o galego ao castelá, a aboliçom do supremacismo castelá que procura a desapariçom do galego e exigimos a implementaçom de autênticas políticas de normalizaçom lingüística ao serviço da nossa sociedade. Ampliar a co-oficialidade de todas as línguas do Estado em todo o seu território. O dever de conhecer o galego em todos os territórios onde é fala de seu.
* * *
Ante a necessidade de respostas à política de etnocídio preconizada pola actual "Xunta de Galicia", O Facho pede aos sócios e amigos a sua participaçom na manifestaçom convocada para o
08 de Fevereiro 2015 às 12 horas na Alameda de Compostela.
* * *
"Findemos o quinquénio lingüicida para o idioma galego impulsado por Núñez Feijó"