Foto de José Luís Cernadas Iglesias - CC BY 2.0 - Perilho, na comarca da Corunha.
Atualmente este serviço funciona numha dependência pré-fabricada que foi levantada com o esforço dos próprios mais e pais há já dez anos, e que na atualidade nom tem espaço para atender a um tempo às 225 crianças utentes do comedor (estas som atendidas em três quendas, e por cima há 29 solicitudes para o serviço que ficarom em lista de espera) e a antigüidade de construçom, que foi levada a termo com a perspetiva de que o seu uso seria temporário, fai que apareçam deficiências, tais como filtraçons de água.
Havendo um terreno cedido pola Cámara Municipal (por se a parcela sobre a que se ergue o centro de ensino nom for suficiente) e havendo inclusive umha alternativa posta sobre a mesa pola AMPA, que passaria por aproveitar o pátio coberto, acrescentando-lhe paredes e acondicionando-o, nom deveria demorar a Conselharia de Educaçom em pôr soluçom a umha situaçom que apenas se pode qualificar de inadmissível, por grave e por desnecessária. Mais umha vez, o dispéndio e a alegria com a que se presenteiam cartos públicos a centros privados, contrasta com o abandono e a desídia quando se trata de melhorar as instalaçons dos centros públicos.