A realizaçom profissional do documentário, proposto pola entidade que gere o Centro Social mais veterano do movimento reintegracionista de base, partiu de umha campanha de angariaçom de fundos na rede, via crowdfunding. Os 5 mil euros conseguidos permitírom iniciar o trabalho, que culmina com a apresentaçom pública em Ferrol, nesta sexta-feira, da obra audiovisual, de umha hora de duraçom.
O ato público terá lugar numha sala de cinema da cidade, tendo já confirmada a assistência representantes de boa parte do tecido cultural e social ferrolano, respondendo ao convite da Fundaçom Artábria. É o caso da associaçom cultural Fuco Buxán, o Ateneu Ferrolano, IU, Rádio Filispim, CNT, NÓS-UP e a AGAL. Dada a capacidade limitada da sala, a entidade está a realizar e confirmar convites que garantam a assistência das pessoas e coletivos interessados em assistir à projeçom.
Na obra participárom um grande número de ativistas da própria entidade desde a década de 90 até a atualidade, dando umha visom da história dos 15 anos, que já som 16, de um dos coletivos reintegracionistas de base mais veteranos da Galiza, o primeiro a apostar na abertura de um centro social com objetivos galeguizadores com parámetros abertamente reintegracionista.
A projeçom decorre nesta sexta-feira nos Cinemas Duplex do bairro ferrolano de Esteiro, onde também se localiza o Centro Social da Fundaçom Artábria, a partir das 20 horas.
Ceia e concerto comemoram dezasseis anos
As celebraçons nom ficam por aí. No dia seguinte, sábado 25, no Centro Social da Fundaçom Artábria, terá lugar umha ceia de comemoraçom do aniversário, como é habitual cada ano no mês de setembro. Desta vez, a atividade gastronómica será complementada pola música ao vivo, com a presença de Blues do País, na que é a sua segunda visita à Artábria.
