A Fundaçom Parque Histórico do Návia habilitou um espaço no seu website chamado 'Vozes que falam' em que o Escritório Cultural e Lingüística da Fundaçom possibilita o acesso a material audiovisual, notícias, cantígas, reportagens e, em geral, textos de autoras e autores na variante do galego-português na comarca Eu-Naviega, onde a situaçom do idioma é especialmente precária como conseqüência da absoluta desproteçom das autoridades da comunidade autónoma asturiana (que administram o dito território) combinada com a pressom do espanhol.
Embora os recursos escritos usam a ortografia proposta pola Academia de la Llingua Asturiana, desconsiderando qualquer critério filológico, histórico ou mesmo de pura prática, o site converte-se numha ferramenta importante numha comarca da Galiza onde a situaçom do idioma é especialmente complexa e onde nom há apenas acesso a qualquer recurso em galego-português.
O espaço 'Vozes que falam', de acesso livre, tenciona achegar de um jeito novo o galego à sociedade eu-naviega, e constitui umha iniciativa pioneira na comarca.