A manifestaçom pola língua do 17 de Maio terá lugar num constexto insólito devido à nom menos insólita unanimidade numha votaçom do Parlamento Galego. Consenso que chegou, aliás, na tomada em consideraçom da ILP Paz-Andrade de aproveitamento dos vínculos com a Lusofonia. Por este motivo, daAssociaçom Galega da Língua e da Associação Pró-Academia realizam um chamado para umha participaçom «histórica» do reintegracionismo na mobilizaçom.
Conforme informado no PGL, a AGAL e a Pró acudirám à manifestaçom sob o lema «Multiplica X100 a tua língua», umha palavra de ordem de apoio à referida iniciativa legislativa popular, que estivo avalada por mais de 17.000 assinaturas. O presidente da AGAL, Miguel R. Penas, lembra que «desde há mais de 30 anos, a nossa Associaçom trabalha polo futuro do galego desde a perspetiva em que se acaba de reafirmar o Parlamento, insistindo especialmente nos últimos anos em que o galego é um factor de multiplicaçom, de uniom».
Para preparar a manifestaçom, a base social reintegracionista está chamada a combinar no lugar habitual: a pracinha circular que se encontra na Alameda compostelana (na entrada, à esquerda), a partir das 11h30. Da mesma maneira, quem quiger ajudar a deslocar o material pode combinar umha hora antes no centro social O Pichel (rua Santa Clara, 21).
Bloco Laranja
Ademais da convocatória conjunta da Pró e a AGAL, há umha outra convocatória reintegracionista: a realizada polo Bloco Laranja, sob o lema «Crescer na nossa língua para estar no mundo».
Mutiplicando o galego X100, também na internet
Paralelamente, na última semana a AGAL e a Pró realizárom umha campanha na internet na qualainda é possível participar, que consistiu no envio de opiniões sobre porquê multiplicar o galego X100. Até o momento participárom mais de 150 pessoas, algumhas das quais rostos conhecidos, como a cantora Ugia Pedreira, o alcalde de Teu, Martiño Noriega, a economista e membro correspondente daRAG Alba Nogueira, o analista político Carlos Taibo, a atriz Comba Campoi, ademais de vários cargos públicos, profissionais de reconhecido prestígio e dezena de pessoas anónimas que também multiplicam o galego X100.
O blogue serve também de ponto de encontro na internet das pessoas interessadas em participar atrás da faixa «Multiplica X100 a tua língua», e inclui materiais para difundir na internet a mensagem ou canções e palavras de ordem para «fazer a festa» na manifestaçom.
