Perante esta nova agressom contra o modelo de ensino público, laico e galego, AGIR manifesta que:
1º- A inclusom da religiom católica como matéria computável é umha clara mostra do sentido ideológico e ideologizador desta contra-reforma educativa. Num ensino com graves problemas de cientificidade e num Estado com uns indices de inovaçom irrisórios comparados com os do seu contorno, esta manobra só indica o interesse completamente alienador do ensino pretendido polo Partido Popular, assim como a força dos lobbys integristas da burguesia espanhola. A nossa opiniom ao respeito é clara: ensino científico e eliminaçom conseqüente da religiom do curriculum escolar.
2º- Com a LOMCE elimina-se qualquer possibilidade de normalizaçom lingüística nas aulas, impossibilitando programas de imersom lingüística, mas também planos normalizadores muitos menos avançados. A transformaçom da matéria de Língua Galega em matéria específica, e o compromisso de subsidiar o ensino privado a aquelas famílias que vejam assegurado o seu ensino completamente em espanhol, monstram a ideia supremacista espanhola. Para o PP e Wert qualquer outra língua que nom for a espanhola nom tem lugar no seu sistema. Para nós a única resposta possível é mais que conhecida: ensino só em galego numha escola pública galega.
3º- Jose Ignacio Wert, em consonáncia com o seu ideal de ensino autoritário, pretende suprimir qualquer tipo de democracia interna nos centros educativos, rematando com a já pouca capacidade de representaçom e influência do estudantado na direçom do mesmos. O reforçamento da figura do Diretor, como um simples representante da administraçom, supom a submissom absoluta da totalidade do estudantado a este programa educativo elitista, reacionário e espanholista na sua vertente mais dura, assim como a impossibilidade dumha maquilhagem.
Porém, quanto mais cerrada seja a razom do sistema mas espaço de contra-poder e luita se abriram nas suas margens. É a hora de erguer um projeto educativo próprio, desde a luita estudantil e desde projetos coletivos de ensino popular, nacional, cientifico, nom patriarcal e de qualidade.
Foto: Profesorgeohistoria