Da plataforma convocante classificárom a convocatória de "todo um êxito", cifrando em 70 o número de assistentes atingido.
As atividades, que começárom na tarde do dia 20, incluírom projeçons de filmes e debates, que se prolongárom até às 5h00 da madrugada do dia 21. Às 8h00 foi desconvocado o encerro, momento no qual ainda havia presentes 46 pessoas.
O ensino público, os cortes, a participaçom estudantil e outros temas fôrom debatidos
As pessoas participantes confluírom no rechaço unánime das políticas de cortes em educaçom e a atitude displicente do conjunto do Ministério da Educaçom espanhol. No debate realizado durante a ocupaçom das instalaçons, tratárom-se temas como a administraçom económica das distintas universidades e as suas diferentes necessidades, a incorporaçom ao mercado laboral dos egressados, o recente incremento no IVA cultural e do material escolar, a necessidade de fazer fincapé na pesquisa...
Também se debateu a necessidade de umha maior participaçom do estudantado universitário na toma de decisons. Nesse sentido, as e os encerrados no edifício da ETSAC estudárom a possibilidade de porpor o estabelecimento de referendos vinculantes na totalidade da comunidade universitária na hora de tomar decisons importantes que afeitarem o seu funcionamento.
O debate para a redaçom de um manifesto iniciou-se às 22h00 e prolongouse até a 1h00 da madrugada. Após 3 horas de intenso debate redigírom-se vários pontos que serám revisados por parte dos participantes durante todo o mês, através das redes sociais, até a sua eventual aprovaçom na ocupaçom seguinte.
Novas ocupaçons
O Acampamento ETSAC diz continuar firme na sua intençom de realizar encerros mensais enquanto continuem as políticas de cortes indiscriminados e "até que as nossas reivindicaçons sejam correspondidas". A Acampada ETSAC está dentro da plataforma UDC em Luita.
Fotos: Acampamento ETSAC