No próximo dia 7 de novembro, quarta-feira, Carlos Garrido, professor de traduçom técnico-científica na Universidade de Vigo e presidente da Comissom Lingüística da AGAL, apresentará a segunda ediçom do Manual de Galego Científico e explicará os fundamentos da coordenaçom com o luso-brasileiro para a habilitaçom em galego do léxico e da morfossintaxe próprios das línguas de especialidade técnico-científicas.
A segunda ediçom do Manual de Galego Científico, de Carlos Garrido e Carles Riera, publicada em 2011 polaATRAVÉS|EDITORA, constitui umha obra de referência entre os estudos das línguas de especialidade e um guia completo para utilizar de forma correta e eficaz o galego-português nos ámbitos de especializaçom, tratando de forma sistemática os aspetos ortográficos, prosódicos, morfológicos e semánticos dos termos, bem como as linhas-mestras da morfossintaxe caraterística dos textos técnico-científicos.
A apresentaçom deste valioso trabalho será às 20h na sala 3 da Faculdade de Farmácia da Universidade de Santiago de Compostela (Campus Vida). O ato está organizado pola Liga Estudantil Galega.