Técnicas subtis como subir os preços das taxas, eliminar vagas tanto nas carreiras como nos mestrados, dificultar e diminuir as bolsas, a entrada de empresas privadas na universidade, produzem que cada vez menos mocidade poda permitir-se a entrada na universidade.
O decreto 79/2010, decreto de plurilinguísmo, é o mesmo ataque dirigido ao ensino. Este decreto favorece de forma mui subtil a privatizaçom do ensino favorecendo as privadas tanto economicamente como a nível de prestígio.
As escolas que alcançam esta denominaçom conseguem um financiamento extra. Assim, as escolas privadas estám a ganhar mais dinheiro do que as públicas. Das 1129 escolas públicas que existem no nosso país, 79 som denominadas plurilíngues, frente a 73 de 279 privadas. Esta diferença numérica tam significativa traz umha segregaçom do alunado entre escolas que tenhem mais ou menos prestigío segundo tenham essa denominaçom ou nom. Isto favorece a rivalidade tanto entre as escolas públicas como, sobre todo, entre as públicas e as privadas, favorecendo as privadas.