Centenas de pessoas concentramo-nos às portas dos julgados em frente de um cordom policial que em todo o momento tentou obstaculizar o nosso exercício do direito de expressom e manifestaçom. Apesar da negativa judicial a permitir o livre acesso à sala onde decorria o julgamento dos companheiros e companheiras, nom estivérom sós e a solidariedade fundiu-se com a reivindicaçom dos direitos lingüísticos do nosso povo, gravemente ameaçados polo aparelho de poder espanhol.
Defeitos formais de caráter jurídico obrigárom a que a defesa de Alexandre Rios e Abraám Alonso, membro da Direçom Nacional de NÓS-Unidade Popular, solicitasse a suspensom do julgamento, devido a erros na elaboraçom do escrito da acusaçom, que pedia penas diferentes por acusaçons similares a alguns dos processados. Em qualquer caso, NÓS-UP considera totalmente desmesurados os pedidos de penas para todos os acusados e acusadas, incluindo vários anos de prisom, além de fortes multas igualmente injustificadas, por isso reclamamos a livre absolviçom de todos e todas.
Expressamos especialmente a solidariedade ao compatriota Roberto Fialhega “Teto”, preso em regime de dispersom por motivos políticos, trazido hoje pola polícia espanhola para comparecer diante do tribunal e submetido a umha dura custódia com a qual tentárom isolá-lo das mostras de afeto das amizades e do conjunto de pessoas concentradas hoje em Compostela.
Nom queremos deixar de referir a oportunista adesom de alguns setores da esquerda reformista institucional, que passárom da condena dos protestos em defesa do galego em fevereiro de 2009 a umha solidariedade de ocasiom, demonstrando escassos escrúpulos na hora de tentarem tirar rendimento mediático de um processo repressivo como o que estamos a viver.
NÓS-UP e o conjunto da esquerda independentista manterá a sua incondicional solidariedade com todos e todas as represaliadas por defenderem a língua, principal património coletivo do nosso povo.
Apelamos a estender essa solidariedade entre novos setores do nosso povo como melhor maneira de manter aceso o facho da luita lingüística por umha Galiza em galego.
Direçom Nacional de NÓS-Unidade Popular
Galiza, 23 de outubro de 2012