Falamos, é claro, das vagas de resposta promovidas a semana passada na Galiza por AGIR, Comités e LEGA numha jornada reproduzida noutras latitudes estatais pola campanha 11x12. E as amparadas esta mesma semana polo sindicalismo patista espanholista de UGT e CCOO, nomeadamente, e a Confederación Española de Padres y Madres de Alumnos (CEAPA) a iniciativa do Sindicato de Estudiantes.
Com independência da origem das convocatórias, desafortunadamente ignorada pola imensa maioria do estudantado, estas duas semanas tenhem-se vivido nas três universidades galegas e em boa parte dos liceus com um nível de resposta que recupera a melhor linha encetada já o curso passado principalmente com as mobilizaçons a finais de curso contra a normativa de permanência e outras medidas derivadas da política educativa elitizadora patrocinada pola UE e os governos espanhol e autonómico. Malia a falta de autoorganizaçom estudantil, a participaçom dos sindicatos ordeiros e as associaçons de pais e maes permitírom achegar muita cor às protestas havidas na Galiza esta mesma semana, enquanto o componente estritamente estudantil era muito mais evidente nas da semana anterior.
BRIGA quer emitir um comunicado de satisfaçom pola recuperaçom do alento nas ruas, apostando sempre polo compromisso organizativo que permita introduzir os vetores em que nos movemos nós, a juventude da esquerda independentista e feminista galega, nas aulas da Galiza.
VIVA A LUITA ESTUDANTIL!
Mais info: www.agir-galiza.org
