O material gráfico deste artigo é da autoria do Diário Liberdade, de livre reprodução de preferência citando fonte

Estas jornadas som bem diferentes às do passado 11 de Outubro, onde as diferentes organizaçons estudantis e juvenis das naçons sem estado lançárom umha jornada de luita de umha óptica soberanista sob o lema "Educaçom dos e para os povos. Reformas nom".

A convocatória dos três dias de greve na educaçom foi somando cada vez mais forças contando com o apoio de sindicatos como a CIG que segundo informa no seu site no dia de hoje na Galiza houvo 23 manifestaçons nas principais cidades e vilas. E coincide com luitas de outros coletivos, como o estudantado de Arquitetura da Universidade da Corunha que começou um encerramento na própria faculdade.

Nalgumhas cidades as convocatórias por parte das diferentes organizaçons convocantes fôrom unitárias. Porém, noutras nom, mostrando mais umha vez as diferenças de corte ideológico e organizativo.

Som as grandes cidades onde as manifestaçons fôrom mais concorridas e apesar da chuva tanto estudantes como, maes, pais e funcionariado público de diferentes setores saírom à rua, porque a Educaçom é cousa de todo o povo.