Se bem na jornada de 8 de fevereiro de 2009 o BNG se tinha oposto a dar resposta nas ruas à mobilizaçom de 'Galicia Bilingüe', PP, Falante e UPyD, hoje sim marcou presença, junto à Alternativa Galega de Esquerda, na conferência de imprensa protagonizada por Causa Galiza em apoio à dúzia de pessoas que vam ser julgadas no dia 23 deste mês por terem participado naquela jornada de luita pola língua.

Cristina Amor, de AGE, Bieito Lobeira, do BNG e José Freire, de Causa Galiza, acompanhárom três dos doze represaliados:  António Fernández, Aurélio Lopes e Joám Peres (os dous últimos dirigentes de Causa Galiza), numha conferência de imprensa conjunta apelando à solidariedade com as pessoas que serám julgadas por aqueles factos do ano 2009, quando a repressom policial provocou ferimentos em vários manifestantes e fijo numerosas detençons, 12 das quais vam concluir agora no julgamento dos dias 23, 24 e 25 de outubro na capital da Galiza.

Os três processados que participárom na conferência de imprensa vestiam umha t-shirt com a legenda "Defender a lingua non é delito: absolución".

Em conjunto, a dúzia de acusados enfrenta mais de 45 anos de prisom e mais de 36.000 euros em multas, por alegadamente terem participado nos protestos populares contra umha manifestaçom convocada em apoio da imposiçom do espanhol no nosso país, que Aurélio Lopes definiu hoje como de "ódio ao galego".

Mais solidariedade e concentraçom convocada para o dia 23 às portas dos julgados compostelanos

Além de Causa Galiza, AGE e BNG, também NÓS-Unidade Popular manifestou nas últimas semanas a sua solidariedade com todas as pessoas julgadas, entre as quais há militantes da formaçom independentista, assim como a convocatória de umha concentraçom às portas dos julgados de Compostela a partir das 9 da manhá. AMI emitiu hoje mesmo um comunicado solidário.