Diversas entidades do estado espanhol tenhem conformado umha convergência de intervençom cuja presença na rede se pode seguir através de http://11x12.wordpress.com/, onde vam subindo-se novas relativas com a contestaçom nas escolas e faculdades impulsionadas polas entidades integradas neste projeto de dimensom estatal protagonizado por coletivos nom espanholistas.

Para além da importáncia das relaçons internacionais que esta campanha tem, BRIGA saúda a iniciativa e a capacidade de confluência estudantil na Galiza para dar umha resposta às manifestaçons práticas que a crise tem no sistema educativo imposto por Espanha.

A organizaçom AGIR já tem de facto avaliado com voz própria a proposta de Lei Orgánica de Melhora da Qualidade Educativa, veiculizada polo ministro Wert, o mesmo que reconheceu como um direito irrenunciável das famílias separar em sexos o estudantado. Para conhecer com concreçom a justificaçom política do apelo à mobilizaçom remetemos-vos para a leitura em www.agir-galiza.org dos pormenores da atualidade neste terreno.

Sem mais, anunciamos portanto a nossa aposta solidária por umha juventude estudante rebelde, organizada e disposta a fazer desde as aulas mais umha barricada para conter a ofensiva do capital contra os direitos populares.

VIVA A LUITA ESTUDANTIL!