A Plataforma em defesa da montanha e do rural, que integram pais e maes do alunado do Íncio, Samos, Cervantes, Bezerreá, As Nogais e Návia de Suarna, organizam para esta sexta umha festa no pátio do colégio de Sam Romám de Cervantes. Será a partir das seis da tarde e haverá desde atuaçons musicais (bandas de Bezerreá, Doiras,... e um grupo do Piornedo que tocará a pandeira, instrumento tradicional da zona) até postos com produtos tradicionais do contorno (queijo, mel...). E artesás e artesaos desses concelhos que amosarám os ofícios e trabalhos tam ligados à cultura e ao jeito de ser dos Ancares. 

No transcurso desta festa, "que queremos que seja como as de antes, com o envovimento direto da vizinhança", procederá-se à leitura dum manifesto em defesa do ensino na montanha e o rural, contra o abandono e desartelhamento do sistema de educaçom público em zonas desta comarca. "Queremos que as nenas e os nenos continuem a morar aqui, onde nascêrom. E para iso, temos que ter umha educaçom pública".

Esta plataforma desenvolveu nos últimos meses diferentes iniciativas em defesa deste direito, como fazer por tramos o caminho de Santiago reivindicando o direito a ter um serviço público e de calidade como o é a educaçom.