Galiza - Galizalivre - A medida afectará aos estudantes matriculados em primeiro do bacharelato e os da ESO que passarám de ciclo no próximo curso, aumentando a crise desta zona rural do oriente galego sob administraçom asturiana.
Até o momento este serviço educativo estava disponível no Liceu “Carlos Bousonho” de Boal, que na anterior segunda-feira recebeu um fax com a informaçom da supressom, quando a pré-inscriçom no bacharelato remata esta mesma sexta-feira.
O Conselho Escola e a AMPA estám a preparar já reunions de protesto com a gente dos dous concelhos. A medida, justificada por critérios “produtivistas e de eficácia”, nom faria senom acentuar a crise do rural, ao fazer mais difícil morar no mesmo. Além disso, implicaria a supressom de entre seis e sete postos de trabalho do professorado. Segundo declaraçons de umha vizinha de Boal para o galizalivre.org, a rapaziada teria que fazer agora “uns 30 km desde Boal, e entre 40-50 a gente de Eilao para poder ir ao bacharelato. A supressom leva tempo a rumorear-se, polo menos desde há dez anos, e nunca se concretou pola oposiçom da gente. Assim é que agora o fam polas costas”.
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.