Foto de Galiza Contrainfo (CC by-nc-sa/2.0) - Polícia protege fábrica de Citröen durante greve geral.
O PXOM de Vigo xa foi tombado polo Tribunal Supremo por non contar entre outros cun plan medioambiental, é agora o Concello se encargara de adaptalo, da Lei do solo se encargara modificala a Xunta, e da expropiación e construción das naves ou infraestruturas seguramente Zoa Franca, todo sen unha seguridade xurídica vulnerando a Lei. Pero en todo isto, o que si queda claro, e que Citroën presiona para levar a cabo o proxecto aínda que non conte con garantías, é non invertería de entrada nin un so euro. É no suposto de ser denunciada a ampliación por non cumprirse ca Lexislación, tampouco asumira as multas nin as indemnizacións de confirmarse a súa ilegalidade polo xulgado, o faría a Xunta ou o Concello, ou mais ben todos e todas os contribuíntes cos nosos impostos.
A chantaxe esta servida, sempre polo ben da fabrica de Citroën e do emprego do sector xustifican algúns. Segundo o Director da planta, din que en Francia non entenden o que esta a suceder en Vigo, e que teñen é ampliar si ou si para que o proxecto do K9 sexa viable. Primeiro nos recortaron o salario e as condicións de traballo aos traballadores/as de Citroën ca chantaxe de adquirir dito proxecto, e agora tamén o utilizan para chantaxear a toda a sociedade Viguesa, que fan súas as reivindicacións desta multinacional, aplaudindo o PP e o PSOE pola súa actuación, e criticando os que piden que se cumpra ca Lei (AGE e MAREA), que non se opoñen a súa ampliación, pero si o respecto a Lei. Se viviran en Mátama e viran pisoteados os seus dereitos, seguramente pensarían doutro xeito, pero o dor alleo, non é o dun propio. Fan a promesa de creación de postos de traballo, pero non se concretan en cantidade, nin en que condicións se van a crear, nin que inversións van realizarse. A ampliación non garante nin tan sequera manter o actual.
Agora tamén para xustificar a expropiación, falase que o sector do automoción galego invertería case 1.800 millóns de euros para implantar o modelo industria 4.0, pero non se cuantifica canto de dita inversión vai reverter en Vigo ou na súa Comarca, ou se na súa gran maioría como as pezas do novo K9 vai cara Portugal e Marrocos, onde auxiliares do sector con capital galego xa teñen novas fabricas implantadas e pezas do K9 adxudicadas.
Con esta ampliación pretenden crear espazos loxísticos para poder aumentar os días de almacenaxe de pezas, e non traballar baixo o sistema “just in time” o denominado “xusto a tempo”, como o facían anteriormente cas auxiliares do sector situadas no polígono de Valadares, Porriño, etc...para así poder facelo dende países veciños e así abaratar tamén os seus custes e aumentar o marxe de benéficos. Esa e a responsabilidade social que ten PSA con Vigo e a súa Comarca?, e cos galegos que lle teñen dado todo?. Ampliación si, pero cumprindo a Lei, e cun compromiso de mantemento da carga de traballo e do emprego pola multinacional francesa.