1 1 1 1 1 1 1 1 1 1 (0 Votos)

170116 salaGaliza - CIG - O prezo dos produtos de primeira necesidade incrementouse un 1,4% en Galiza no ano 2015.


O IPC negativo prexudica dobremente a traballadores/as, parados/as e pensionistas galegos.
O prezo dos productos de primeira necesidade -alimentación e bebidas non alcohólicas- incrementouse un 1,4% de media en Galiza durante o ano 2015, segundo datos do Instituto Nacional de Estatística (INE). Pola contra, a inflación medida a través do Índice de Prezos ao Consumo (IPC) experimentou un descenso do 0,2%, o que é dobremente prexudicial para os traballadores/as, parados/as e pensionistas galegos/as, xa que o noso país conta coas pensións e os salarios máis baixos do Estado.

Alén do transporte e da vivenda, no resto dos grupos producíronse incrementos nos prezos dos seus compoñentes, destacando especialmente o grupo de alimentación e bebidas non alcohólicas, é dicir, os produtos de primeira necesidade, que experimentaron un aumento medio do 1,4%.

Pola contra, o ano pasado pechouse cun descenso da inflación medida a través do Índice de Prezos ao Consumo (IPC) do 0,2% en Galiza; na media estatal non variaron os prezos con respecto ao ano 2014, rematando 2015 cun valor do 0% neste indicador.

A evolución do prezo dos carburantes (con moita incidencia nos grupos de transporte e vivenda) mantén este indicador en valores planos, ou negativos no caso do noso país; o ano 2014 rematara cun descenso do 1%.

Dende a CIG lembran que a participación de cada grupo de produtos no cálculo do IPC é unha media ponderada, pero a proporción de renda que cada familia destina a alimentación é menor a medida que medra a renda; ou o que é o mesmo, cando menores son os ingresos maior é a porcentaxe dos mesmos que se destina a alimentación.

Cando a evolución dos prezos é tan desigual por grupos, como no ano 2015, o IPC realmente non mide a perda de capacidade adquisitiva dunha parte importante da poboación, neste caso a que conta con menores ingresos.

 “Este indicador non mide a perda real de poder adquisitivo e vai agravar a situación a medio prazo, xa que é utilizado maioritariamente para a variación tanto de pensións como de salarios para o vindeiro ano”, sosteñen dende a central.

 E por isto que os traballadores/as, parados/as e pensionaistas galegos/as, coas pensións e os salarios máis baixos de todo o Estado, vense dobremente prexudicados polos valores deste indicador.

Variación anual do IPC por grupos de produtos

  Variación anual (%)
  2015/Decembro
  España Galicia
Xeral 0 -0,2
Alimentación e bebidas non alcohólicas 1,8 1,4
Bebidas alcohólicas e tabaco 1,3 1,2
Vestido e calzado 0,5 0,5
Vivenda -2,3 -3,2
Enxoval 0,1 0,6
Medicina 0,5 0,2
Transporte -2,8 -2,8
Comunicacións 0,5 0,4
Ocio e cultura 0,2 0,1
Ensino 0,5 0,6
Hoteis, cafés e restaurantes 0,9 0,9

 

Fonte: INE. Índice de Prezos ao Consumo.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.