1 1 1 1 1 1 1 1 1 1 (0 Votos)

260815 greveGaliza - CIG - O persoal de Diario de Ferrol, El Ideal Gallego, Diario de Arousa e Diario de Bergantiños irá á greve a partir do 2 de setembro.


A CIG denuncia a situación laboral e salarial das traballadoras e traballadores e reclama novamente un Plan de Viabilidade que garanta os postos de traballo.

CIG-Industria vén de anunciar a convocatoria dunha greve indefinida na Editorial La Capital -que publica os xornais Diario de Ferrol, El Ideal Gallego, Diario de Arousa e Diario de Bergantiños- a partir das 00:00 horas do vindeiro día 2 de setembro. Reclama un Plan de Viabilidade que garanta os postos de traballo ao nivel de datas anteriores; o abono dos salarios adebedados e a súa regularización mensual.

Concentración das/os traballadoras/es de Diario de Ferrol.

Na empresa Editorial La Capital S.L. lévase retrasando o abono dos salarios, de maneira reiterada, ao longo de todo o ano 2014 e 2015 e a día de hoxe adebédanse ao persoal as mensualidades de xuño e xullo de 2015 e o 50% da paga de decembro de 2014.

A CIG denuncia que, ademais, a empresa está a acometer reducións no cadro de persoal que entende que poñen en perigo a continuidade da actividade.

Diante desta situación, a representación dos traballadores/as leva reclamando, de maneira reiterada, a posta en marcha dun Plan de Viabilidade que garanta o futuro dos postos de traballo e o inmediato abono dos salarios pendentes, así como a regularización dos salarios mensuais.

Porén, malia ter solicitado ese Plan e de reunirse coa empresa en varias ocasións para establecer un calendario de pagos sobre os salarios pendentes, a día de hoxe a situación continúa sendo de absoluta incerteza, tanto sobre o futuro dos postos de traballo, como para o cobro das mensualidades pendentes.

Así as cousas, e xa que a empresa non está aportando solución algunha a esta situación, a greve dará comezo na noite do vindeiro martes ao mércores con carácter indefinido.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.