A marcha foi qualificada de histórica por algumhas porta-vozes dos coletivos, vista a adesom multitudinária para fazer frente a umha "hecatombe" que paira sobre o rural galego, sendo a situaçom do setor leiteiro significativo, com 10 mil exploraçons e quase 3 mil cobrando 26 cêntimos por litro e meio milhar cobrando 0,20€, o que indica um custo inferior ao de produçom e umha média (0,28€) inferior à do Estado espanhol.
Milhares de produtoras e produtores, assim como representantes doutros setores mais ou menos relacionados ou simplesmente solidários, marchárom polas ruas do centro de Compostela na manhá de ontem, reclamando soluçons. Presidentes de cámaras e representantes das forças políticas (exceto o PP) também aderírom à convocatória, procedentes de toda a Galiza.
Como reclamaçom de fundo, o fim das quotas à produçom impostas pola Uniom Europeia, como via para frear a desapariçom de exploraçons que vem sucedendo-se na Galiza nos últimos anos, sem que as instituiçons públicos fagam nada, a nom ser apoioar, em nome do "livre mercado" a posiçom de força da grande indústria que impom uns preços que empobrecem mais e mais o agro galego.
A compostelana praça da Quintá ficou quase lotada pola participaçom massiva na manifestaçom por um setor agrário produtivo com o leite como um dos produtos fundamentais para a viabilidade do campo e do País.
Foto: @gzcontrainfo
