Historia do Conflicto
Segundo a versión da CNT, La Barraca, establecemento hosteleiro sito na Praza do Campo en Betanzos, tiña traballando ás compañeiras da CNT nunha situación de explotación total. Non se lles aplicaba o convenio de Hostalaría e estaban obrigadas a traballar máis de 10 horas diarias sen días libres nen vacacións. Aínda así e una vez que foron renovados os seus contratos temporáis, decidiron organizarse e constituíron unha Sección Sindical da CNT na empresa.
Sempre segundo a CNT, cando lle comunicaron ao empresario que querían negociar as suas condicions de traballo, o encargado do establecemento deulles o despido inmediato. As traballadoras e a CNT denunciaron o despido, e meses despois o Xulgado de A Coruña emite sentenza que declara nulos os despidos e a obriga da empresa a pagarlles os salarios de todos estos meses. A empresa está dando largas non acatando a sentenza, e négase a readmitilas.
Ademáis durante o proceso sae a luz que esta empresa non cotizou á Seguridade Social por ningún dos traballadores que ten en Galicia, polo que estamos ante un fraude a gran escala.
Qué esixen as traballadoras e a CNT?
A readmisión das 3 despedidas, o cumprimento da sentenza e pago de salarios atrasados e cumprimento da xornada laboral e da taboa salarial do Convenio de Hostalaría.
