Esta celebración realizarase no Colexio La Salle de Santiago de Compostela, contando con distintas actividades:
Venres día 30: 20.30 H Charla do profesor Arcadi Oliveres (Economista, profesor da Universidade Autónoma de Barcelona, e activista da organización Xustiza e Paz ) sobre: "Outras crises e outras formas de saír delas". Xusto hai dez anos unha visita deste profesor a Compostela impulsou esta iniciativa
Sábado día 31: 17.00 H Asemblea Xeral Anual de AIS O Peto.
19.00 H Proxeción do documental sobre Arcadi Oliveres "Nunca é tan oscuro" ("Mai és tan fosc")
21.00H Comunicación de Experiencias de Proxectos de Autoemprego financiados por AIS O PETO
22.00 H Petiscos e actuacións musicais para amenizar a velada, coas actuacións do cantautor Xosé Constenla e o grupo Andasoa.
A Asociación por un Interese Solidario (AIS) O Peto, é unha asociación sen ánimo de lucro que alenta e propón unha economía ao servizo da persoa. Que se encadra no entramado da economía alternativa e concretamente no nível micro, da banca ética. É autoxestionaria e promove unha forma solidaria de aforro e de inversión ética a través de pequeñas achegas a proxectos de autoemprego, sendo en todo cada decisión económica que se adopta, no último termo, unha decisión ética. Así, o noso aforro converteuse nunha oportunidade para persoas que pertencen a colectivos con dificultades de inserción. Decenas de microproxectos de autoemprego foron financiados ao longo destes últimos dez anos cos aforros de centenares de galegos e galegas solidarias, que investiron os seus aforros e obtiveron tamén, nun modelo substentable, uns beneficios razoables ao tempo que ofrecían unha oportunidade para esas persoas.