Depois da participaçom do SIT-FSI, sindicato também presente na empresa, num acordo que impom cortes salariais e atacam o poder aquisitivo dos operários e operárias.
Frente a esse acordo das centrais amarelas, CUT e CIG reclamam um referendo com garantias em que o conjunto do quadro de pessoal decida sobre a reduçom proposta (e imposta) pola direçom da empresa.
O apelo das duas centrais galegas quer chegar além das paredes da empresa, estendendo-se ao conjunto da comarca, para que se manifeste contra as contínuas agressons laborais e sociais que vem sofrendo o conjunto da classe trabalhadora. No caso de Citroên, a cobiça da multinacional francesa contrasta com o apoio económico pùblico, através de investimentos da Cámara Municipal e da Junta da Galiza, direta ou indiretamente, nas atividades privadas da firma automobilística.
As forças convocantes denunciam a atuaçom dos 20 membros do Comité de Empresa que, "pola sua conta", chegárom a acordos com a direçom contra o conjunto dos trabalhadores e trabalhadoras, aprovando a reduçom de salários e o incremento da exploraçom sobre a força de trabalho, principal sustento e grande ausente das negociaçons e decisons tomadas.
A mobilizaçom vai decorrer no dia 22 de novembro, a partir das 11h30, com saída das Travessas.