Umha das empresas beneficiárias do programa é Carrefour, que sob a máscara de um curso de gestom de armacens, está a obrigar às pessoas participantes nesse pretenso curso a realizar labores de reposiçom de prateleiras sem instruçons prévias nem supervisom de nengum tipo, sem direito a tempo de descanso, e o que é mais grave, sem remuneraçom, nem opçom a contrato ao finalizarem o curso.

O pior de tudo é que a incorporaçom ao programa é forçosa na prática, já que a gente que participa é advertida de primeiras de que perderá todos os direitos e prestaçons se rejeita fazer parte do "Posto a Posto".

Os trabalhadores e trabalhadoras denunciantes também falam de condiçons de trabalho perigosas para a saúde e a segurança, de roupa de trabalho em mau estado e de outras situaçons que sugirem ser descritas como indicadoras de um contexto laboral um grao mais aló da precariedade. Se calhar escravatura seria a palavra.

Este despropósito, que atenta contra a dignidade e a liberdade das pessoas e que permite fazer negócio a costa da desgraça da gente desempregada, deve ser detido sem dilaçom, e devem depurar-se responsabilidades. Maria Luisa Cid, vereadora de emprego deve dimitir. Nom podemos tolerar iniciativas que procurem invisibilizar um problema real como o desemprego penalizando a quem o padece, e temos que reclamar criaçom de emprego de qualidade.