Recordemos que foron despedidos tres traballadores, un deles afiliado á CNT, sen o preceptivo preaviso de 15 días, alegando a empresa unhas supostas causas obxectivas de despido por motivos económicos; de un día para outro estes traballadores quedaron na rúa e sen recibir a indemnización que lles corresponde.
Habendo interpostas dúas denuncias por reclamación de nóminas impagadas e por despido improcedente, mantívose unha reunión co xerente da empresa na que ofreceu o pago dunha cantidade ridícula, polo que o pasado venres convocouse a primeira concentración diante da empresa.
O pasado luns 7 de xullo tivo lugar a conciliación no SMAC (Servizo de Mediación, Arbitraxe e Conciliación), á que non se presentou representación algunha da empresa, polo que se recurrirá a vía xudicial, ademáis de ter convocada unha nova concentración ás portas da empresa para as 18:00 de hoxe, e todas as que sexan necesarias ata que a empresa pague os 33.133 euros que lle adebeda ao compañeiro.
Insistimos novamente na importancia do compromiso de loita dos traballadores da empresa despedidos e os que poidan selo proximamente, facendo un chamamento á solidariedade e non permitindo abusos coma este por parte dunha patronal sen vergoña, que, ademáis de non pagar o que lle pertence lexítima e legalmente aos seus traballadores, pretende que todos nós paguemos a súa debeda mediante o Fogasa.