A central calcula em 250 pessoas o número de pessoas que recebem os alimentso recolhidos no Plano de Ajuda Alimentar, com o qual se entregam alimentos doados pola própria classe operária a setores desempregados e especialmente precarizados.
Segundo informaçons da própria CIG, a ideia é continuar a estender a iniciativa a novas localidades, para além das comarcas de Vigo Corunha e Ferrol, as que mais cobertura estám a realizar, dentro de umha rede de apoio ainda pequena.
Na CIG fam um apelo à colaboraçom, levando produtos de alimentaçom nom perecedeiros aos locais da central, ou mediante o pagamento de quotas extraordinárias de 20 euros anuais para idêntico fim.
Voluntários e voluntárias da central recolhem, fam triagem e armazenam alimentos, para posteriormente serem entregues às pessoas inscritas na lista de solicitantes, que devem cumprir algumhas condiçons económicas para poderem ser beneficiadas pola iniciativa.
Para além do aumento da rede geográfica de distribuiçom, a CIG tenciona alargar também os alimentos incluídos, incorporando carne, peixe, ovos, fruta e verdura, entre outros.
