1 1 1 1 1 1 1 1 1 1 (2 Votos)

300513 piasGaliza - Diário Liberdade - Barricadas de fogo cortárom na manhá de hoje o acesso a Ferrol pola Avenida das Pias, numha nova jornada de mobilizaçom do pessoal de Navantia e das empresas auxiliares do naval trasanquês.


Fotos de @BrunoLTeixeiro : Avenida das Pias cortada hoje por milhares de trabalhadores e trabalhadoras do naval

Foi a partir das 10h30 que milhares de trabalhadores e trabalhadoras marchárom por Ferrol em duas colunas provenientes dos estaleiros dessa cidade e dos de Fene. O motivo, mais umha vez, foi denunciar o abandono do setor polas diferentes autoridades políticas, assim como a falta de concreçom das boas palavras com que habitualmente som despachados os problemas do naval polo presidente da Junta da Galiza, Alberto Núñez Feijó.

Posteriormente, dirigírom-se à avenida das Pias, onde ocupárom as faixas de rodagem e figérom barricadas com pneus a arder, provocando densas colunas de fumo visíveis em toda a comarca e bloqueando a circulaçom de veículos durante mais de umha hora.

A jornada de mobilizaçom de hoje fai parte de um calendário anunciado há semanas, que manterá as denúncias do pessoal do naval pola progressiva e acelerada perda de empregos num setor estratégico na economia de Trasancos, umha das comarcas mais afetadas pola crise e o polo desemprego, muito acima das médias galega e espanhola.

Ainda na tarde de hoje, haverá um pleno municipal em Ferrol, que o governante Partido Popular pretende blindar com forças repressivas para evitar a presença de milhares de trabalhadores e trabalhadoras que denunciam a cumplicidade do governo municipal presidido por José Manuel Rei com as políticas do seu partido em Compostela e Madrid.

No caso do naval, a falta de contratos nos estaleiros já levou à destruiçom de 2.100 postos de trabalho em empresas auxiliares da comarca de Trasancos. Além disso, umha parte importante dos 1.900 operários e operárias ainda empregadas estám sujeitas ou ameaçadas por expedientes de regulaçom de emprego.

 

 


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.