Em Barcelona, a 1.098 quilómetros de Ferrol, o presidente da Junta falou de Navantia. E fijo-o para achacar ao departamento comercial deste estaleiro (público, portanto dependente do Estado espanhol, do governo de Madrid em que governa o partido dele) a falha de carga de trabalho.
Para Feijóo nem Junta nem executivo espanhol sonm os que tenhem que garantir ou procurar trabalho para este estaleiro, senom que isso é tarefa dos e das comerciais. Por isso, apontou na cidade catalá, essas pessoas "tenhem que conseguir contratos". A nom fazê-lo, mesmo insinuou com a possibilidade de despedi-los ("trocá-los", dixo).
Despedimentos
En Ferrol há latexante umha grande preocupaçom pola possibilidade de que a aquisiçom de Barreras por Pemex implique que o tam anunciado flotel a fazer em Navantia se vaia construir finalmente en Vigo.
O número de trabalhadores despedidos em empresas auxiliares do naval de Trasancos por falta de ocupaçom no último ano e meio ascendeu até 1.815, segundo os dados fornecidos polo Comité de Empresa de Navántia Ferrol. Umha cifra que mostra até que ponto este setor atravessa umha profunda crise, sem que as promessas do PP, tanto no que atinge ao dique flotante como aos contratos com Pemex, se dem concretizado. O setor naval galego perdeu nestes anos milhares de empregos, o que tem ocasionado mobilizaçons multitudinárias tanto em Vigo como em Ferrol.
