A CUT estivo nas rúas de Vigo co Sindicalismo de Clase Alternativo.

5000 traballadores e traballadoras deixaron ben claro que contra nós non vai servir o capitalismo, a nosa contestación será contundente. Dende a Central Unitaria de Traballadores e Traballadoras fixemos un chamamento á loita e á organización como único medio de loitar contra a miseria que pretenden impor dende o capitalismo. A manifestación rematou coa lectura dun manifesto conxunto ao que deu lectura a traballadora da cultura Mónica Camaño.

Hoxe na Coruña unhas 1.000 voces do sindicalismo alternativo (CUT e CGT) e movementos sociais (15M e Stop Desafiuzamentos) saímos á rúa para darlle ao 1de Maio un verdadeiro carácter reivindicativo. Para facernos ouvir contra as políticas antisocias,e os recortes neoliberais que o monicreque goberno central e a súa delegación en Galicia aplican sen piedade á clase obreira e á cidadanía galega.

Contra o pacto social que predican os de sempre, hai cidadáns que estamos dispostos a dar alternativas en defensa dos intereses da clase obreira.

A manifestación que tiña como lema CONTRA O SISTEMA, ORGANÍZATE E LOITA, discorreu desde a Praza de Pontevedra e a Praza do Humor, as consignas máis berradas foron sempre anticapitalistas e contra o sistema, reclamando a folga xeral indefinida.

Viva a Loita Obreira ,Viva a Loita Social contra o Sistema