Feita pública a intervençom judicial no escándalo Pescanova, com a aceptaçom polo juiz do concurso de acredores voluntário, a CUT exige publicamente da Junta da Galiza e do Governo Central, para que estabeleçam pautas de actuaçom encaminhadas à vigiláncia e acompanhamento do processo, garantindo o cumprimento estrito da lei.

Da CUT pensamos que o conflito Pescanova, reviste a gravidade suficiente e conhecendo ademais os antecedentes que levárom ao grupo a esta situaçom, para que com independência da actuaçom judicial, as administraçons intervenham com agilidade e eficiência no caminho de garantir a atividade do grupo, a manutençom dos postos de trabalho e sem que isto signifique a escravidom da classe operária.

Todos e todas somos conhecedores de como o capitalismo e os seus gestores nos governos remontam estas situaçons. Nom é precisamente fazendo devolver o roubado aos culpáveis desta situaçom, senom tirando-lho do pelejo à classe operária, através de ERE, diminuíndo os salários, trabalhando mais horas, etc.