O desemprego subiu em 10.000 pessoas na Comunidade Autónoma da Galiza (nom temos estudos do conjunto da naçom) no primeiro trimestre do ano, em relaçom aos três meses anteriores.

Apesar do triunfalismo dos governos do PP, as 287.400 desempregadas, com uma taxa que que já se situa em 22,35%, suponhem umha emenda à totalidade de medidas de "austeridade" aplicadas em Madrid e Compostela contra o povo trabalhador galego.

Som dados oficiais do Inquérito de Populaçom Ativa (EPA) publicados nesta quinta-feira polo Instituto Nacional (espanhol) de Estatística (INE).

Para além da Galiza, também o Estado espanhol regista umha tendência à alta no desemprego, ficando no mesmo período estudado acima dos seis milhons de pessoas desempregadas (6.202.700), batendo um novo recorde e ficando acima dos 27% (27,16%), quer dizer, 1,1 pontos mais que no período anterior.

93.000 lares com todos os seus membros desempregados na Galiza autonómica

O número de lares galegos com todos seus membros no desemprego também subiu nos últimos meses, até atingir os 93.000 no mês de março. Isso supom um aumento de 1,2% se comparado com o trimestre anterior e de 12,3% em relaçom aos três primeiros meses de 2012, segundo os dados do Inquérito de Populaçom Ativa a que fazemos referência.

Trocado em miúdos, os lares com ao menos um ativo e nos quais todos os membros estám em condiçom laboral de desemprego passárom de 82.800 para 93.000 no último ano. 

A isso há que somar os 33.000 lares que na Galiza das quatro províncias em que nengum de seus membros tem qualquer rendimento, o que significa que aumentou 12,6% sobre os dados dos três meses anteriores. A percentagem eleva-se até 32,5% na comparativa com o primeiro trimestre de 2012, quando este tipo de lares eram 24.900.

Mais precariedade e mais desemprego juvenil e feminino

Quanto à situação dos jovens, a taxa de desemprego dos menores de 25 anos escalou até 50,6% na CAG (era de 48,4% no trimestre anterior). Entre as mulheres é de 52,4% e entre os homens, de 49,1%.

Os dados refletem que a taxa de atividade é de 34,4% entre os menores de 25 anos galegos e a de ocupaçom se situa nuns escassos 17%.

Os galegos e galegas entre 25 e 29 anos de idade suportam uma taxa de desemprego de 32,5% (era de 29,4% o trimestre anterior). Neste caso, o desemprego deixa-se notar mais entre os homens (34,7%) que entre as mulheres (30,3%).

Os dados da EPA mostram também que, entre os jovens menores de 25 anos que tenhem trabalho (um total de 32.400), 65% tem um contrato temporário e 35% indefinido.