Traballadoras/es da Residencia da Terceira Idade Volta do Castro de Compostela concentrábanse este domingo diante do centro para demandar unhas carteleiras de 2013 xustas e equilibradas e a compensación en tempo de descanso dos domingos e festivos. Denuncian a imposición de quendas de traballo abusivas, inxustias e discriminatorias, por parte dos directores dos centros de Traballo e Benestar na Coruña: Residencias da Terceira Idade, Centros de Menores, Complexo Xuvenil As Mariñas e CAPD.
13-04-21 concentración Residencia Volta do Castro

Denuncian que malia as mobilizacións que veñen protagonizando para denunciar esta situación, a conselleira, Beatriz Mato, "continua coa calada por resposta ás queixas do persoal laboral pola non negociación das xornadas de traballo, coa imposición de 7 días de traballo continuados, 3 noites seguidas e 2 domingos de traballo seguidos".

Aseguran que a pesar dos chamamentos do Comité de Empresa a resolver un conflicto que provoca sobrecarga de traballo e estrés laboral, co deterioro dos servizos públicos que isto supón, a conselleria Betariz Mato négase a recoñecer os dereitos do persoal laboral, co que obriga ás denuncias xudicias e na Inspección de Traballo para defender os dereitos das/os traballadoras/es e a realización de mobilizacións como a deste domingo na Residencia de Maiores de Volta do Castro, en Santiago de Compostela.