O governo espanhol declarou que “já sabíamos que iam vir estes dados, mas a reforma está a dar os seus frutos e em finais deste ano ou inícios do vindouro começará a recuperaçom”. Nom mentem, e eis o porquê:
A reforma laboral nom tinha a finalidade de criar emprego ou consolidar direitos, dixemo-lo nós alto e claro e por isso fomos à greve, senom que visava abaratar a mao de obra e facilitar o despedimento o máximo possível ao tempo que eliminam a negociaçom coletiva (que se lembrem disto os trabalhadores que aprovárom estas reforma com a sua pasividade, que se lembrem por se pensam que agora vam poder exigir algo). Podemos perguntarmo-nos por que lhe interessa isto ao governo de Madrid e a resposta chama-se EURO. A entrada no euro fijo que os estados com economias fracas, como o espanhol, perder a única possibilidade que tinha para competir no mercado, devaluar a moeda para abaratar custos e vender mais barato. Agora a moeda é do Banco Central Europeu e obedece aos interesses das economias mais fortes, nom das fracas. Qual é a opçom que vem como soluçom para poder abaratar as mercadorias e competir? Pois abaratar custos laborais E POR ISSO AS REFORMAS LABORAIS SÓ PRETENDEM CRIAR MAO DE OBRA ESCRAVA.
Fica claro que a reforma laboral está a cumprir o seu objetivo, umha bolsa de pessoas desempregadas que trabalharám polo que for em negociaçom individual com o empresário. Quanto à recuperaçom, tantas vezes prometida, desta vez pode que seja certa segundo os seus critérios: num ano esperam reduzir o desemprego porque com o salário de um trabalharemos três. O governo sempre dixo a verdade, só que nom a nós.
