Ao total, fôrom 11 as cidades e vilas galegas que ontem (20/12) abrigárom protestos sob a palavra de ordem 'Por umha outra saída à crise'. A tónica geral foi a denúncia aos cortes que os governos do ultradireitista PP está a dirigir tanto na administraçom autónoma galega como desde Madrid. A convocatória do serám de ontem juntou vários centos em Burela, Ferrol, Corunha, Compostela, Vigo, Ourense, Ponte Vedra, Vila Garcia, Lugo, Barco de Val d'Eorras e Cangas do Morraço.
O protesto focou-se nos temas em que, atualmente, mais se está visibilizando a açom destrutora do binómio capital-governos:
Numerosas pessoas afetadas que perdérom o seu dinheiro nas chamadas 'preferentes' fôrom com camisolas denunciando o roubo às diferentes manifestaçons. Esses mesmos bancos que deixárom sem aforros milhares de galegas e galegos som os que desde o começo da queda livre do sistema capitalista já desalojárom 9.000 famílias galegas das suas vivendas, e som também essas entidades que estám a investir no setor sanitário, na medida em que este vai sendo privatizado, tal e como se denunciava nos protestos de ontem.Assim, ASG apontou no seu manifesto a necessidade de umha "banca pública galega" focada no "tecido produtivo" e nom em atividades de especulaçom.
A recente desvalorizaçom das pensons, só revelada polo executivo de Mariano Rajói após os processos eleitorais na Galiza, País Basco e Catalunha, foi duramente criticada pola Aliança. As pensons galegas (que já som as mais baixas de todo o Estado espanhol) verám-se duramente afetadas pola medida imposta desde Madrid, afirmárom da ASG: ao total, 520€ a menos entre 2012 e 2013.
A agressiva reforma educativa (um de cujos pontos mais contestados está a ser a prática desapariçom das competências das diferentes naçons submetidas por Espanha) do polémico ministro de educaçom espanhol Wert, a LOMCE, foi dita de "ideológica" e "antidemocrática" pola ASG, ao mesmo tempo que denunciou que ataca a qualidade do ensino público para favorecer o privado.
Mais protestos em Ferrol
Também na tarde de ontem, convocada pola CNT e o coletivo Forxa! (que nom pertencem à Aliança Social Galega), "contra os abusos da banca e a ditadura dos mercados", houvo umha concentraçom às 18h00. As e os assistentes a esse primeiro acto, marcárom também presença na convocatória da ASG.
Entidades que conformam a Aliança Social Galega
A Mesa pola Normalización Lingüística; ACSUR Galicia; Asemblea de Cooperación pola Paz; Asociación Fuco Buxán; Asociación Galega de Historiadores; Asociación Galega de Mariscadoras/es; Asociación Monte Pindo Parque Natural; Asociación para a Defensa Ecolóxica de Galicia (ADEGA); Asociación Sociocultural Namentras; Asociación Sociopedagóxica Galega; Confederación Intersindical Galega (CIG); COGAVE; Colectivo Encontro Benestar Social; Colexio de Educadores/as Sociais de Galicia; Comisión pola recuperación da memoria histórica da Coruña; Comités Abertos de Facultade; CONFAPA Galicia; Confraría Pescadores Poboa do Caramiñal; Coordinadora Galega de ONG; Escola Viva; Fed. ANPAS Compostela; Federación de Asociacións Culturais Galiza Cultura; Federación de Asociacións de Mulleres Rurais; Federación de Profesionais e Autónomos/as de Galicia; Federación Galega do Medio Ambiente; Federación Galega de Bandas de Música Populares; Federación Provincial APAS Lugo; Federación Rural Galega; Fundación 10 de Marzo; Fundación Castelao; Fundación Defensa dos Consumidores; Fundación Estudo e Divulgación da Cuestión Social e Sindical na Galiza; Fundación Galicia Sempre; Fundación Luís Tilve; Fundación Paz e Solidariedade; Iniciativa Estudantil Galega; Iniciativa Galega Pola Memoria; Instituto de Cooperación ao Desenvolvemento de Galicia ISCOD; Instituto Galego da Historia; Liga Estudantil Galega; Mesa Galega de Educación no Rural; Movemento polos Dereitos Civís; Nova Escola Galega; Plataforma en Defensa do Ensino Público; Plataforma en Defensa do Sistema Público Galego de Servizos Sociais; Plataforma Galega Defensa do Ensino Público; Plataforma polo Emprego; Plataforma Queremos Galego; S. N. de CCOO de Galicia; Seminario Galego de Educación para a Paz; Sindicato de Estudantes; Sindicato de Xornalistas; Sindicato Labrego Galego; Sindicato Traballadores Ensino Galicia; SOS Sanidade Pública; UGT-Galicia; Unión de Autónomos de Transporte por Carretera y Mar; Unión de Profesionais e Traballadores Autónomos; Unións Agrarias; USTG; Xustiza e Sociedade.
Foto: 1. Susete/DL: Concentraçom da ASG em Ferrol; 2. Susete/DL: CNT e Forxa na convocatória da Aliança Social em Ferrol; 3. Diário Liberdade: Convocatória da ASG na Corunha.
