Apesar de resistir durante 40 minutos, a injustificável demora dos serviços de salvamento provocou a morte desta percebeira. Também queremos transmitir a nossa solidariedade e apoio à sua família e às suas companheiras.

Mais umha morte de umha trabalhadora galega, desta volta causada diretamente pola política de cortes nos serviços públicos perpetrada polo governo do Partido Popular encabeçado por Feijó. A concessom a umha empresa privada, Inaer, de um serviço que devera ser 100% público, está a provocar, como sempre sucede com as privatizaçons de serviços públicos, um grave deterioro do mesmo. É intolerável que o helicóptero Pesca 1 demorasse em sair muito mais tempo do estabelecido no contrato assinado com a administraçom autonómica (10 minutos), razom pola qual nom chegou a tempo para resgatar com vida a trabalhadora.

Um serviço de salvamento marítimo público e com todos os recursos humanos e materiais precisos é umha necessidade nacional básica num país como a Galiza, onde a pesca e o marisqueio som um setor económico importante. Exigimos a demissom ou o cesse da conselheira de Meio Rural e do Mar, Rosa Quintana, responsável por esta situaçom e por esta morte.

A política económica neoliberal e burguesa desenvolvida polos governos do PP como "soluçom à crise" é a cada vez mais criminosa, condenando à exclusom, à pobreza e mesmo à morte à maioria trabalhadora. A morte da trabalhadora galega Mercedes Veiga nom será a derradeira enquanto nom se produça umha mudança radical nas políticas económicas e sociais e enquanto nom haja um Governo galego digno de tal nome e rumado a conduzir a Galiza face a soberania plena e a servir exclusivamente os interesses populares.

Direçom Nacional de NÓS-Unidade Popular

14 de dezembro de 2012