A polícia espanhola montou um forte aparelho policial para proteger o lider 'ultra' e os seus fanáticos e fanáticas dos protestos trabalhistas. Protestos que na segunda-feira obrigárom o PP a suspender o seu ato em Ferrol e figérom com que anunciasse a decissom de evitar publicitar os seus atos públicos até umha hora antes do início, para evitar os protestos populares que estám a sofrer em diferentes pontos da Galiza e especialmente nessa cidade.

Assim, com apenas 24 horas de margem após o grande protesto de trabalhadores/as públicos/as de segunda-feira nas principais cidades galegas e que em Ferrol juntou o naval, estes centos de trabalhadoras e trabalhadores mobilizárom-se para exigir a Feijó que "cumpra o seu compromisso com a construçom de um dique flutuante" nos estaleiros da cidade, segundo explicou Naveiras, Porta-Voz do Comité de Empresa de Navantia.

O Partido Popular utilizou essa promessa eleitoral nas anteriores eleiçons, mas sem destinar nengumha verba após a sua vitória eleitoral. Lembrando que "é um compromisso do PP", Naveiras também reclamou mais carga de trabalho para as instalaçons de Trasancos.

O setor naval está a gerar inúmeros problemas ao ultraespanholista Feijó nesta campanha eleitoral face o 21-O. Ciente da importáncia da situaçom e pesar de nom ter cumprido as promessas anteriores, Feijó tenciona convencer trabalhadores/as e eventuais votantes da existência de um duvidoso contrato com a mexicana Pemex para a construçom de navios no nosso país, o que (de ser verdade) suporia umha reativaçom importante para o naval galego.

A seguir, fornecemos umha pequena galeria fotográfica do protesto, enviada para o Diário Liberdade polo fotografo 'Susete':

Fotos de Susete, enviadas para o Diário Liberdade