Galiza - Primeira Linha - As trabalhadoras da empresa concissionária do serviço de ajuda ao domicílio no concelho de Sada, Galicia Saudade, estám em greve indefinida desde o passado 29 de setembro. Esta empresa anunciou um ERE de extinçom em virtude do qual todas as trabalhadoras estarám despedidas no dia 5 de outubro. A situaçom vê-se agravada, aliás, pola contrataçom por parte da Cámara Municipal de umha outra empresa que está a cobrir baixas laborais e usurpando carga de trabalho a este coletivo de trabalhadoras.
Os conflitos com o seu pessoal nom ficam reduzidos a Sada. Também as trabalhadoras desta empresa para a prestaçom de serviços similares mas no concelho de Arteijo, denunciam o nom pagamento de nóminas e incumprimentos reiterados do Convénio coletivo.
A quebra das tam cacarejadas virtudes da privatizaçom de serviços públicos que sem qualquer pudor praticárom de forma generalizada os governos locais na Galiza. As práticas destas empresas concesionárias que durante anos bordearom a vulneraçom dos direitos laborais do pessoal ao seu cargo, agravarom-se desde o início da crise e a reduçom dos seus milionários lucros a conta da precarizaçom dos serviços públicos.
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.