Galiza - Candidatura do Povo - A Xunta de Goberno Local é o órgano de dirección política ordinaria do Concello de Compostela e está dirixida polo alcaldeÁngel Currás. As actas das súas reunións son publicadas no sitio web de Raxoi. Repasando a do dia 20 de setembro encontrámonos coa concesión dun contrato a unha empresa “a proposta do Concelleiro de Mobilidade”, Albino Vázquez Aldrey, da que non existe constancia da celebración dun concurso público.
A acta recolle no punto 106 que “a proposta do Concelleiro de Mobilidade aprobouse adxudicar á Empresa Talleres La Campiña, S.L. un contrato para o subministro de 3 autobuses para a flota de transporte urbano, financiados con Fondos comunitarios FEDER, por un importe de 600.000,00 €”. A pesar de que se financia con fondos que non son municipais, non deixa de chamar a atención o feito de que se designe a unha empresa para un determinado servizo “a proposta” dun concelleiro sen existir o preceptivo concurso público. Que se pensa en Raxoi desta maneira de actuar?
Foto: CdP - Albino Vasques Aldrei
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.
