Depois de que durante o que vai de ano se aplicassem dous incrementos sucesivos de 7% e de 3,95%, as elétricas acabam de anunciar que "se verám obrigadas" a incrementar a tarifa em 6% a partir do próximo mês de janeiro.

A razom esgrimida polo patronato elétrico Unesa, que agrupa Endesa, Iberdrola, Gas Natural, HC Energia e E.On, é o Anteprojeto de Lei de medidas fiscais aprovado na passada semana polo Conselho de Ministros e que preve, entre outras, um incremento do imposto geral por cada megavátio vendido às elétricas pola geraçom de energia.

Este novo incremento, que agravará mais se cabe a já grave situaçom que se vive nos lares fogares galegos, é o último de umha longa lista de incrementos que provocárom que o recibo da luz tenha crescido 81,4% nos últimos dez anos.