Foto: José Manuel Sánchez, máximo representante de CCOO na Galiza.

Reproduzimos a seguir o comunicado remetido ao Diário Liberdade polo coletivo de trabalhadores e trabalhadoras afetadas:

"Os traballadores e traballadoras de Forem-CCOO convocamos aos medios de comunicación este martes, 18 de setembro, para dar conta á opinión pública das decisións e vindeiras accións coas que loitaremos contra o ERE de extinción no que está inmersa a entidade e que xa foi denunciado polos representantes do persoal en varias ocasións.

Por decisión da asemblea, as traballadoras e traballadores de Forem-CCOO anunciamos a nosa intención de convocar unha folga indefinida dos-as traballadores-as de estructura, que estará vixente ata que a empresa teña vontade de renegociar e aceptala nosa proposta dun ERE de redución de xornada, algo que polo de agora negáronse a facer. E da non aplicación da reforma laboral

As condicións actuais do ERE son intolerables para nós, ao supor unha brutal redución de persoal e consecuentemente de servizos: desaparecerán 24 dos 35 postos de traballo que forman a estrutura de Forem-CCOO e pecharán os centros de Ferrol, Cervo e Ourense.

Os traballadores entendemos que a situación provocada é arbitraria e de extrema gravidade ó considerar que tales medidas abocan ó desmantelamento desta fundación a favor dos intereses económicos que para o sindicato de CCOO de Galicia esta situación conleva, antepoñendo así os seus intereses aos dos seus traballadores e afiliados, aos que deixa na indefensión máis absoluta.

Na rolda de prensa explicaremos máis polo miúdo tanto as condicións do actual ERE como as nosas propostas, a situación actual da entidade, e outra información que poida servir para explicar a dramática situación na que estamos agora inmersos."