Ante a convocatoria, por terceira vez,  do Tribunal para adxudicar a Xefatura do Servizo de Psiquiatría do Complexo Hospitalario de Pontevedra, a Asociación Galega para a Defensa dá Sanidade Pública quere comunicar á opinión pública e profesional que:

1.- Consideramos escandaloso e inaceptable o empecinado acoso profesional por parte da administración ao Dr. Pedreira, membro destacado da nosa asociación

2.- Baseamos esta afirmación na sesgada valoración polo Tribunal elixido pola Xerencia dos méritos profesionais e da presentación realizada polos dous candidatos,  que obrigou ao Dr. Pedreira a presentar un recurso no que sinalaba a actitude de animadversión manifesta cara ao por varios membros do tribunal e esixía a súa anulación en base a que un dos membros do Tribunal non reunía os requisitos que se requirían nas Bases da Convocatoria.

3.- Como consecuencia deste recurso anulouse (por segunda vez) todas as intervencións do Tribunal. Posteriormente a Xerencia do CHOP volveu nomear a fume de carozo (15 días antes do vencimiento do período) , probablemente coa finalidade de resolvelo antes das Eleccións Galegas. Por que será?.

4.- O "novo" tribunal é o mesmo que o "antigo", excepto na substitución da persoa que non reunía os requisitos por outra de Alacante (parece que non se fían de ningún xefe de servizo de Galicia para este mester).

Deste enrevesado proceso deriváronse consecuencias e prexuízos para os candidatos (hai que repetir o "show") e para o erario público: gastos derivados de desprazamentos, dietas, perdas de xornadas de traballo, etc. Quen vai sufragar estes gastos?

Por todo iso chamamos a todos os profesionais a que o 17 de setembro acudan ao Salón de Actos como testemuñas dun novo capítulo de acoso a un profesional de prestixio , pola súa adscrición ideolóxica, a súa defensa sen concesións do Sistema Sanitario Público e o seu papel destacado como membro da nosa Asociación.

Foto: Praça