Fontes do serviço de Proteçom Civil de Cervo informaram de que o acidente se produziu na mina de caolim de Sam Romám e o operário, natural da freguesia de Nois -no concelho de Foz, trabalhava para a empresa Escavaciones Manín, umha sociedade com sede na Marinha.

Embora a Polícia Judicial ainda esteja a pesquisar as causas do acidente, a morte terá sido provocada, ao que todo indica, por umha queda de pedras, já que quando chegaram os bombeiros encontrárom o corpo entalado entre a retroescavadora que manejava e um aterro.

Segundo informou o 061, a central de coordenaçom do serviço de urgências médicas recebeu aviso do acidente laboral quando faltavam uns vinte minutos para as dez da manhá, indo para o local duas ambulancias, umha assistencial e umha outra medicalizada.

O trabalhador ficou inicialmente ferido e recebeu assistência sanitária na própria mina, mas os efetivos do 061 já nom pudeérom fazer nada para salvar a sua vida.

Morte numha nave industrial da Caniça

Mais um sinistro mortal aconteceu no dia 14 numha nave industrial da Cañiza quando um trabalhador caiu de umha altuna de 7.8 metros, ficando grave. Foi levado por um helicóptero, mas os serviços de urgências nom o dérom reanimado e faleceu logo. Ao local do acidente fôrom umha ambulância, membros da Guarda Civil e integrantes de Proteçom Civil.

Trabalhador ferido em Lugo

Também em Lugo houvo um acidente grave, se bem nesse caso sem resultado mortal. Um jovem trabalhador de 29 anos ficou ferido num acidente laboral num prédio da avenida da Corunha, ao cair de umha escada. Após receber os primeiros auxílios no local do acidente, o jovem foi evacuado para o Hospital Universitário 'Lucus Augusti'.

Estes novos acidentes laborais, dous deles mortais, venhem somar-se às duas recentes mortes em Ferrol e Carral, assim como diferentes acidentes de trabalho noutros pontos da Galiza, de que o Diário Liberdade já tem informado nos últimos dias.