1 1 1 1 1 1 1 1 1 1 (0 Votos)

300410_nosupGaliza - Nós-UP - Perante o 1º de Maio, Dia do Internacionalismo Proletário, NÓS-Unidade Popular quer fazer um apelo à participaçom maciça da classe obreira galega nas manifestaçons convocadas pola CIG por todo o País para defendermos os nossos direitos frente à ofensiva da burguesia no contexto da crise económica capitalista.


Umha crise que se converteu no pretexto para o governo espanhol do PSOE tomar umha série de decissons antipopulares que fam que o peso da crise económica recaia sobre a maioria trabalhadora. O mesmo governo que destina fundos multimilionários para ajudar a bancos em perigo pola crise financeira e para impulsionar o processo de concentraçom das caixas de aforro favorecendo os interesses de uns quantos empresários (para isto sim há dinheiro), também está a pactuar umha nova reforma laboral para embaratecer e facilitar o despedimento e recurtar direitos laborais atingidos após décadas de luita obreira.

Por nom falarmos da proposta de reforma do sistema de pensons, com a que pretendem que trabalhemos até os 67 anos e que quotizemos 25 anos em lugar dos 15 actuais para "assegurar" um sistema de pensons que supostamente "corre perigo" no futuro.

Devemos acrescentar o aumento de um imposto indirecto como o IVA, decissom que empobrecerá as classes populares mentres se evita umha reforma fiscal que se baseie nos impostos directos aumentando a pressom fiscal sobre os ricos e reduzindo-a entre as rendas mais baixas.

Os recurtes em gastos sociais, algo que na Galiza também favorece a política privatizadora do governo autonómico do PP em ámbitos como a sanidade, o ensino ou os serviços sociais. Mas para manter o exército espanhol participando na invasom e ocupaçom imperialista do Afeganistám, ou no Líbano, também há dinheiro de sobra.

Mentres tanto, sindicatos corruptos e vendidos ao Estado como CCOO e UGT tam só fôrom quem de organizar manifestaçons para cubrir o expediente e aparentar que fam algo em defesa da classe trabalhadora, mas por detrás negociam com o governo espanhol e a CEOE a nova reforma laboral.

Corresponde ao sindicalismo nacional e de classe representado pola CIG emprender este caminho, abandonando as atitudes vacilantes e a dependência política do reformismo autonomista representado polo BNG para fazer converger as múltiplas luitas laborais e sociais que se pruduzem na Galiza numha Greve Geral nacional que para a esquerda independentista é umha necessidade inexcusável neste contexto de constantes agressons da burguesia e de crise do sistema capitalista.

Devemos parar os pés da burguesia e dos seus lacaios e demonstrar que o povo trabalhador galego nom está disposto a tragar com outra reforma laboral que só beneficia a quem provocárom esta crise.

Que os ricos paguem a crise!

Contra a crise capitalista, Independência e Socialismo!

Galiza, 1º de Maio de 2010


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.