A Central Unitaria de Traballadores piden a nulidade das oposición e demanda que se ordene a paralización do proceso de oferta pública de emprego no relativo á quenda libre das prazas non cubertas pola promoción interna.

Desta forma a dirección da CRTVG atrasou o seu compromiso de convocar a OPE no mes de abril debido tamén a que aínda non conta co informe preceptivo da dirección xeral de Función Pública e de Orzamentos. Por outra banda, este atraso débese á denuncia presentada pola CUT. O director xeral da CRTVG, Alfonso Sánchez-Izquierdo, ratificou o seu compromiso de presentar en abril a convocatoria da OPE para os traballadores do ente público, unha delas, a última en sede parlamentaria, na comisión de control da entidade o pasado 30 de marzo.

Non obstante, a dirección non levou as bases para a convocatoria ao pleno do consello da CRTVG do martes, o último deste mes, e o compromiso de realizar a convocatoria, "se ben segue adiante", queda atrasado a falta da autorización de Facenda e debido á denuncia interposta polo sindicato CUT, que non ten representación no comité de empresa, segundo fontes consultadas por Europa Press.

Estas mesmas fontes destacaron que existe un informe xurídico que rexeita que o ente público deba atender esa demanda e que, polo tanto, recomenda "seguir adiante" coa convocatoria da oferta pública de emprego. Recordaron que a celebración da convocatoria, que contaría cunhas 200 prazas, estaba acordada entre a dirección e o comité de empresa por vía xudicial, polo que lamentaron o "incumprimento" deste pacto entre ambas as dúas partes.

Na coorporación pública hai actualmente un total 443 contratos temporais. O comité considera non consolidables 154. Dos 289 restantes, 220 entran no proceso pactado coa dirección e os 69 que faltan vincúlaos a empresa a "programas non permanentes na grella" da televisión e a radio.