A plataforma foi nos últimos dias palco de confrontos com acusaçons de práticas dirigistas e sectárias da corrente hegemónica, representada polo BNG, que culminárom com o abandono de umha das facçons minoritárias, a representada por IU-EU, que finalmente se desmarcou à última hora da convocatória.
A marcha tivo um claro predomínio do BNG e dos seus grupos afins, incoporando a CIG e levando também à rua a nova entidade agrária lançada pola UPG contra o Sindicato Labrego Galego: a FRUGA. Com a legenda 'Contra a privatizaçom, em defesa dos serviços públicos', a iniciativa deste domingo deu continuidade às sucessivas mobilizaçons anteriores em defesa da sanidade pública, com críticas às políticas privatizadoras do PP.
Para além dos sectores ligados ao BNG e de várias federaçons da CIG, outras correntes participantes fôrom o Sindicato Labrego Galego, NÓS-Unidade Popular, Nova Escola Galega e Esquerda Anticapitalista.
Apesar de que a CIG disponibilizou autocarros em várias cidades, a participaçom ficou claramente aquém dos resultados noutras manifestaçons recentes.