1 1 1 1 1 1 1 1 1 1 (1 Votos)

corGaliza - NÓS-UP - NÓS-Unidade Popular reclama que se admita a trámite a petiçom de Galiza Melhor Sem Touradas para que a Cámara Municipal submeta a consulta popular se a vizinhança deseja que a administraçom local subsidie os festejos taurinos, ou polo contrário é partidária de retirar esses subsídios.


Consideramos que nom existe justificaçom para continuar a dar subvençons à feira taurina que se organiza desde a década de 90 no Coliseu da Corunha, já que os próprios dados oficiais sobre afluência de público deixam clara a falta de demanda deste tipo de espetáculos. Mas a renúncia por parte da empresa que organizava os festejos a fazer-se cargo da próxima ediçom (que esperamos nom se chegue a realizar) é outro dado ainda mais eloqüente se calhar, já que  vam várias empresas especializadas em organizar eventos taurinos que abandonam tal tarefa. Se se tratar de qualquer outro tipo de atividade, sem dúvida que já haveria bem anos que a Cámara Municipal teria dcidido nom continuar subsidiando-a nem organizando-a.

Somos contra da tortura aos animais e de que se implantem pola força, e esbanjando cartos públicos manifestaçons culturais de duvidoso gosto que nom som próprias, mas sobretodo somos contra de imposiçons caprichosas e contra a vontade do povo, que deve ser escuitada de umha vez por todas. A petiçom de GMST vem avalizada por 66.000 sinaturas nada menos de pessoas residentes na Corunha, e isto numha cidade de 250.000 habitantes. Dificilmente se poderia justificar, ante tam impressionante apoio popular, desestimar essa petiçom. O povo corunhês quer ser escuitado, porque com umha situaçom de crise económica e de incremento do desemprego e a pobreza nom entende que se invistam cartos numha cousa que carece de interesse para a maioria da populaçom, e também e sobretodo porque maioritariamente nom gosta das touradas, ainda que parece, escuitando certos discursos, que seja obrigatório gostar de determinadas manifestaçons que pretendem passar por parte essencial da cultura espanhola.

Segundo um inquérito realizado pola empresa Obradoiro de Socioloxia, 75,5% das pessoas residentes na Corunha som contrárias a subsidiar touradas, e a percentagem ascende a 100% entre as pessoas menores de 44 anos. Isto deveria prender os alertas dos governantes locais. Mas se queremos saber de verdade em que proporçom o povo apoia a ideia de retirar os subsídios à feira taurina, ou prefere que a cousa continue como estivo nos últimos anos, devemos realizar essa consulta e das a possibilidade de que se pronuncie toda aquela pessoa que quiger pronunciar-se, e nom aqueles indivíduos que entreviste umha empresa de inquéritos. Sempre o resultado será mais fidel à realidade. Em qualquer caso, queremos que impere a vontade popular e nom a teima espanholizadora de um governo local, que parece achar-se com direito a decidir por nós de que gostamos e de que nom.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.