Causa Galiza, para além das questons arriba resenhadas, comunicará ao BNG a existência dum processo repressivo em curso contra o independentismo organizado dirigido desde a Audiencia Nacional, que terá um importante ponto de inflexom no juízo a celebrar em Madrid nos próximos dias 24 e 25 de junho contra @s militantes Antom Santos Peres, Eduardo Vigo Domingues, Maria Ossório Lopes e Roberto Rodrigues Fialhega, no que é umha aplicaçom à situaçom galega do Direito Penal do Inimigo e da judicializaçom da dissidência política.
Causa Galiza, desde o seu perfil independentista e socialista, acredita e aposta na unidade de açom entre as forças soberanistas e independentistaspara fazermos frente coletivamente à Segunda Transición que desponta no horizonte e acumular forças sob parámetros de soberania nacional e rutura democrática com o regime e o Estado espanhol, ao igual que trabalha para estender no campo nacionalista a ideia de que a solidariedade frente à repressom política é ponto de encontro e mínimo comum denominador entre patriotas galegas e galegos.
Foto do Diário Liberdade - Manifestaçom de Causa Galiza, no Dia da Pátria 2012.
